العجين المورق

اليوم قلت نقدم ليكم العجين المورق بطريقتي نتمنى يعجبكم

المقادير

نصف كيلو فورص (دقييق ابيض)

نصف كاس زيت 

ملح

رابعة الماء بارد(125cl)

قطرات من الخل قياس ملعقة صغيرة

375g زبدة خاصة بالتوراق انا عملت بونا فويتاج ممكن تعملو لدة كتجي غزالة

الطريقة 

عادية كنخلطو العجين بالما بارد ماعدا الزبدة ونخليوها شوية قاصحة  وكنعملوها علىشكل كرة ونحاول نحلها على شكل ظرف كما مبين في الصورة   ونزل فوقها الزبدة ونغطيها حتى تصبح بحال الظرف ونعطيها العصى ههههههههههههههه اي نحاول نضربها شوية بالمدلك باش الزبدة تمشي في العجين كلو  ونورقها ونطويها على 4 وندخلها للثلاجة مدة ربع ساعة ونخرجها ونعاود نورقها ونطويها غير على 3 هدة المرة وندخلها للثلاجة مرة اخرة ربع ساعة ونكمل نفس العملية حتى نعمل 4 الدورات( 4 toure)

ومني نسالي 4 الدورات نخدم بيها اللي بغيت تصبح جاهزة واللي خدم بيها وشاطت يحالو ميكورهاش يحاول يطوي هدوك الشياطات ويدخلها المجمد تبقى موجودة وقت مابغيناها غير نجبدوها تبقى حتى تطلق ونستعملوها وبالصحة والراحة