السلام عليكم ورحمة الله وبركاته
اليوم عملت للغدا بسطيلة بالشعرية الفة من نوع
اخر نتمنى تعجبكم وتجربوها
المقادير
نحتاجو لدجاجة من وزن 2 كيلو مغسولة ومنضفة مزيان
ونطيبوها طياب العادي المعهود في البسطيلة
ب 4 بصلات مشلدين + ربطة ديال المعدنوس مقبط
الملح الابزار سكين جبير السمن الزعفران الملون والزعفران الحر كنشرملو فيه الدجاج
+ كاس الزيت ونعملوها تطيب مني تطيب نفرتت الدجاج في هد الالثناء كنرجعو الطنجرة للعافية
حتى يتشرب المرق اللي بقا من الدجاج ونعاودو نرجعو ليه الدجاج من بعد مفرتتناه حتى
يبقى غير الزويتة ونتلاكه يبرد
ندوزو للشعرية ناخذو 750 غ نفوروها 3 مرات من
بعد نضيفو ليها كاس زبدة مذوبة و6 البيضات نخلطوهم معاها ونتركها جانبا حتى تبرد
ندوز للوز ناخدو 750 غ اللوز مقشر ومقلي في الزيت
نطحنوه مع كاس سكر كلاصي + معلقة القرفة معلقة كبيرة الزبدة و2 معالق كبار ماء الزهر
ونتركه جانبا
كناخدو طاوة الفرن نلبسوها بالبابي المنيوم مزيان
وندهنوها بالزبدة
ونعملو التفريشة الاولى بالشعرية اللي قسمناها
على 2ونحاولو نطلعو الشعرية مع جناب المول
التفريشة الثانية الدجاج
التفريشة الثالثة اللوز وكنرشو فوق منو السكر
كلاصي وشوية القرفة
دابا التفريشة الاخيرة وهي الشعرية المتبقية
وندهنوها بالزبدة مدوبة ونغلفة البابي المنيوم عليها كاملة
وندخلوها الفرن مني تطيب كندهنوها بالعسل ونرشوها
باللوز محمر ومهرمش
وبالصحة والر احة نتمنى تعجبكم وتجربوها شكل
اخر غتعجبكم بزاااااااف
أزال المؤلف هذا التعليق.
ردحذف