السلام عليكم ورحمة
الله وبركاته
بما انه وقت الخبيزة
قلت نزل ليكم طريقتي علاش لا وخا الاكثرية كيعرفو ليها انا متاكدة
كناخدو كمية من
البقولة كنقيوها ونزولو منها الاوراق الصفراء والسيقان نتاعها اللي كبار ونغسلوها مزيان
بالماء حتى يزول منها التراب ونخليوها تنشف ليلة كاملة
من بعد كنقطعوها
بحال الربيع ونقطعو معاها الربيع بزايد انا عملت 4 قبطات نتاع الربيع + التومة بزايد
ونعملوها في الكسكاس تفور انا كنفور معاها حتى السودانية والحامض دوائر هو مبينش في
الصورة ولكن انا عاملاه الوسط وتفور لمدة نصف ساعة
من بعد كناخدو
الطنجرة ونعملو فيها الحامض مصير مقطع مربعات + الثوم مهروس + الكامون + التحميرة+
الهريسة اللي كيبغي الحار + كاس زيت الزيتون + سكين جبير+الملح ونقليوهم مزيان + البقولة
اللي فورناها ونخليوها تتشحر مزيان وتشرب مع العطرية ونقدموها بالصحة والراحة مزينة
بالزيتون الاحمر وشرائح من الليمون المصير
هاهي البقولة قبل
التفوار
بعد التفورا
اعتدر مشاو لي
الصور ملقيتهمش نتاع البقولة كتشحر
أزال المؤلف هذا التعليق.
ردحذف