السلام عليكم ورحمة الله تعالى وبركاته
اليوم حبيت نزل ليكم سندويشات من ايدي جاو غزالين في المذاق ورطبين بحال البونج
الطريقة
العجين نحتاجو
500 غ الفورص
4 معالق كبار حليب غبرة
2 م ص سنيدة
2 م ص خميرة الخبز
1 م ص موتارد+ ملح
1 م ك زبدة نعجنو العجين نخلط كل المكونات الا الزبدة وندلكها مزيان عاد نضيف الزبدة وانا ندلك حتى تدخل في العجين ونتركها تختمر
في هذ الاثناء ندوزو نحضرو الحشوة واللي هي
الحشوة الاولى صوص طوماط بحال البيتزا عملت فيها معلقة حك مطيشة صغير مطلوقة في نصف كاس الماء فوق عافية +الملح + الابزا ر +ورقة سيدنا موسى+الزعتر+ هريسة الزيت البلدية حتى تشحر ونزولوها
الحشوة 2
ناخذو صدر بيبي او الدجاج او هبرة اللحم انا عملت غير الدجاج مقطع مربعات نعملوه في مقلاة فوق النارمع شوية الزبدة والموتارد الملح الابزارزعتر وش الهريسة
الحشوة الثالثة فيها الفرماج احمر محكوك زلافة
الحشوة الرابعة 4 البيضات مسلوقين ومحكوكين
الطريقة مني تخمر العجين نعملو منها كويرات بحال المسمن عادي بلا زيت ونمدوهم بالدلاك على شكل مستطيل ونعملو لصوص توماط ندهنو بيها + الدجاج +البيض + الفرماج محكوك ونبرموه بحال الى غنصايبو الكومير عادي ولكن غير صغير ندهنوه بالبيض ونرشوه بالزنجلان ونشرطوه بالموس وندخلوهم الفرن بلا ميخمرو مرة اخرى وبالصحة والراحة كيجيو رطبين بزاف والمذاق هه روعة
نتمنى تجربوهم ويعجبوكم انيقاتي
tbarkallah 3lik ou safi
ردحذف