فقاص باللبن

السلام عليكم ورحمة الله تعالى وبركاته

فقاص باللبن كيجي رائع وكنعملوه حتى في المناسبات السعيدة

القادير كما في الصورة

زلافة نعبرو بيها البيض انا هزت لي 6 البيض

نفس الزلافة عبار سنيدة

نفس العبار زلافة زيت

زلافة اللبن

زلافة الكاوكاو غير مصهد باش تزول منو ريحة البرودة او الرطوبة

2 خميرة الحلوى

2 فاني

2 معالق كبار النافع

4 معالق كبار زنجلان

الدقيق حسب الخليط تقريبا كيلو وربع

نفس الطريقة العادية نتاع الفقاص

نجمعو الخليط ونطيبوه نصف طيبة والجميل في هذ الفقاص ممكن نخليوه غير 2 ساعات مغطي بمنديل فازك بماء الزهر غير يبرد ونقطعوه وعلى ضمانتي راه مكيتهرسش بتاتا والسر في اللبن تيخليه يبقى رطب انا متهرسش لي ابدا ونرجعوه يتحمر مرة اخرى ونقدموه

نتمنى يعجبكم وتقدموه غذين تشكروني عليه